(399) SOUS LE RÈGNE DE CHARLES Vl. 159

comme dessus est dit du college de Champaigne, quant au service divin ou memoire seulement.

Item, à l'Ostel Dieu de Paris une autre diziesme partie du dit pris, pour convertir es plus grans necessitez et affaires d'icelui hostel, par l'advis des maistres, freres et suers d'icelui hostel, lesquelz seront tenuz de prier pour l'ame d'icelui testateur et le acompaignier es prieres, tant de messes comme d'autres divins services qui sont et seront faiz en ycelui hostel pour leurs biensfaiteurs, sans autre charge especial.

Item, au convent des Chartreux lez. Paris une autre diziesme partie du pris dessus dit, pour convertir par les prieur et freres d'icelui convent en leurs necessitez, et feront tel service qu'il leur plaira pour le salut de l'ame du dit testateur, comme dit est des escoliers de Champaigne.

Item, une autre diziesme partie au convent des Celestins, emprès Saint Pol, par la forme et maniere que dit est du convent des Chartreux.

Item, une autre diziesme partie aux povres estudians, escoliers séculiers residens à Paris et sans fraude, au temps du decès du testateur, en l'une des trois Facultez de Theologie, de Decretz et des Ars, à les distribuer par le dit abbé de Saint Remi de Reins, par l'advis de maistre Jehan de Jarson, chancellier de Nostre Dame, ou celui qui le sera au temps dessus dit, et des procureurs des quatre Nacions, en requerant aux diz escoliers qu'ilz vueillent prier Dieu pour le salut de l'ame du dit testateur, sans autre charge.

Item, attendu que le dit testateur, en sa jeunesse, fu gradué es deux Facultez dessus dictes des Ars et de Decretz, et que de tout son po-voir il a servi et conseillié l'Université et les suppos d'icelle, quant ilz en ont eu besoing, et par ce se reputé estre de ses suppos et disciples, il supplie et requiert à la dicte Université sa mere que, se après son decès aucun empeschement estoit mis en ses biens, qui n'avendra pas, se Dieu plaist, elre vueille aidier et pourchacer la où il appartiendra que l'empeschement soit osté.

Item, le dit testateur a consideré qu'il a fait assez de biens à Guiot



	(399) SOUS LE RÈGNE DE CHARLES Vl. 159 comme dessus est dit du college de Champaigne, quant au service divin ou memoire seulement. Item, à l'Ostel Dieu de Paris une autre diziesme partie du dit pris, pour convertir es plus grans necessitez et affaires d'icelui hostel, par l'advis des maistres, freres et suers d'icelui hostel, lesquelz seront tenuz de prier pour l'ame d'icelui testateur et le acompaignier es prieres, tant de messes comme d'autres divins services qui sont et seront faiz en ycelui hostel pour leurs biensfaiteurs, sans autre charge especial. Item, au convent des Chartreux lez. Paris une autre diziesme partie du pris dessus dit, pour convertir par les prieur et freres d'icelui convent en leurs necessitez, et feront tel service qu'il leur plaira pour le salut de l'ame du dit testateur, comme dit est des escoliers de Champaigne. Item, une autre diziesme partie au convent des Celestins, emprès Saint Pol, par la forme et maniere que dit est du convent des Chartreux. Item, une autre diziesme partie aux povres estudians, escoliers séculiers residens à Paris et sans fraude, au temps du decès du testateur, en l'une des trois Facultez de Theologie, de Decretz et des Ars, à les distribuer par le dit abbé de Saint Remi de Reins, par l'advis de maistre Jehan de Jarson, chancellier de Nostre Dame, ou celui qui le sera au temps dessus dit, et des procureurs des quatre Nacions, en requerant aux diz escoliers qu'ilz vueillent prier Dieu pour le salut de l'ame du dit testateur, sans autre charge. Item, attendu que le dit testateur, en sa jeunesse, fu gradué es deux Facultez dessus dictes des Ars et de Decretz, et que de tout son po-voir il a servi et conseillié l'Université et les suppos d'icelle, quant ilz en ont eu besoing, et par ce se reputé estre de ses suppos et disciples, il supplie et requiert à la dicte Université sa mere que, se après son decès aucun empeschement estoit mis en ses biens, qui n'avendra pas, se Dieu plaist, elre vueille aidier et pourchacer la où il appartiendra que l'empeschement soit osté. Item, le dit testateur a consideré qu'il a fait assez de biens à Guiot